Umhirða Kockums carbonstálpanna

Kockums carbonstálpönnur eru afhentar tilbúnar til notkunar og hafa verið innbrenndar með jurtaolíu hjá framleiðanda.

Athugið – yfirborðið breytist við notkun

Svarta yfirborðið á nýrri pönnu er innbrennt olíulag en ekki hefðbundin non-stick húðun.

Við notkun mun upprunalega innbrennda lagið breytast og slitna ójafnt og ný náttúruleg patína byggjast upp í staðinn. Pannan getur því orðið flekkótt, brúnleit eða ójöfn á litinn. Þetta er eðlilegur eiginleiki carbonstáls og þýðir ekki að húðun sé að flagna af eða að pannan sé ónýt.

Rétt meðhöndluð carbonstálpanna verður betri eftir því sem hún er meira notuð.

Við notkun

• Hitið pönnuna hægt og rólega. Byrjið á lágum hita og hækkið hitann smám saman.
• Notið smjör eða olíu við steikingu, sérstaklega fyrst meðan ný patína er að byggjast upp.
• Forðist að hita tóma pönnu mjög hratt, sérstaklega á spanhellu.
• Súrar matvörur eins og tómatar, sítróna, edik og vín geta leyst upp hluta innbrennda lagsins. Það skemmir ekki pönnuna en þá getur þurft að byggja yfirborðið upp aftur.

Þrif

• Látið pönnuna kólna aðeins áður en hún er þrifin.
• Þvoið með heitu vatni án uppþvottaefnis.
• Setjið aldrei í uppþvottavél.
• Látið pönnuna aldrei liggja í bleyti.
• Þurrkið hana strax og vandlega, einnig að utan og undir botninum.
• Berið örþunnt lag af olíu á steikingarflötinn eftir þrif.

Ef yfirborðið hefur farið af

Það þýðir yfirleitt ekki að pannan sé skemmd. Carbonstál má endurinnbrenna.

Hitið hreina og þurra pönnuna hægt þar til hún byrjar lítillega að reykja. Berið mjög þunnt lag af hlutlausri matarolíu á steikingarflötinn og látið olíuna brenna inn. Endurtakið eftir þörfum þar til dökkt innbrennt yfirborð hefur myndast.

Með áframhaldandi notkun, olíu og réttri umhirðu byggist náttúrulegt yfirborð pönnunnar síðan áfram upp.