Japanskt mjólkurbrauð

Sjóðið Roux

Setjið 125gr af vatni og 25gr Manitoba hveiti í pott og sjóðið á meðal hita í sirka 3 mínútur og hrærið stanslaust í á meðan.

Hráefni

400 gr Manitoba hveiti

9 gr Optimax Bökunar ensím

20 gr Hveitisúr duft

215 gr Mjólk

30 gr sykur

8 gr salt

8 gr þurrger

60 gr kalt smjör

Roux

Aðferð

Setjið mjólkina og þurrgerið í hrærivélarskálina og látið bíða í 1 til 2 mín, þarf ekki að hræra saman.  Setjið Hveitið, ensímið, súrduftið, Roux og hnoðið saman á lágum hraða.  Bætið síðan við sykur og salti og hnoðið saman í 10 mínútur.

Skerið kalt smjörið í litla bita og bætið í degið.  Hnoðið þar til smjörið er komið alveg saman við degið. Sirka 5 mínútur.

Takið degið úr skálinni, teigið og brettið það nokkrum sinnum og mótið í kúlu.  Smyrjið skál með olíu og hveiti og setjið deig kúluna í skálina.  Látið hefast í 2 tíma eða þar til deigið hefur tvöfaldast.

Mótið deigið

skiptið deiginu í 3 jafna parta. fletjið hvern part út í í ílangan ferning og brjótið upp á degið þannig að það sé sirka breyddin á forminu.  rúllið því síðan upp og setjið þessar 3 rúllur í formið.  

Látið hefast þar til degið er sirka jafnt hæðinni á forminu. Ég lét það hefast í 45 mínutur við 35 gráðu hita í gufuofninum.  

Bakið við 190 gráður í 30 til 35 mínútur í miðjum ofni.

Látið brauðið kólna á rist.