Katrínar bollur

Katrínar bollur bakaðar á gatabökunarplötu í stillanlegu formi  sem er sett í 22 x 36 cm stærð.

 

 

Hráefni:

730 g Manitoba hveiti

 65 g mjúkt smjör

12 g salt

55 g sykur

14 g Optimax bökunar ensím

28 g hveitisúrduft

12 g þurrger

2 egg

2 tsk kardimommur

280 ml af vatni

 

Aðferð:

Setjið vatn og egg í hrærivélarskálina.

Blandið öllum þurrefnum saman í skál og hrærið saman

Setjið þurrefning í hrærivélarskálina og byrjið að hnoða, bætið við smjörinu í litlum bitum.  Hnoðið sirka í 10 mínútur eða þar til deigið er orðið mjúkt og slétt.

 

Látið deigið hvíla í skál undir filmu í u.þ.b. 15 mínútur.

Skiptið deiginu í 15 bita sirka 85 gr hver . Látið deigstykkin hvíla - undir filmu í u.þ.b. 15 mínútur.

Mótið bollurnar og setjið þær í formið.

 

Nú þurfa bollurnar að hefast í 45 mínútur undir gufu.

Ef þú ert ekki með gufuofn getur þú látið þær hefast í plast kassa með fati af heitu vatni eða sett þær í uppþvottavélina með potti af sjóðandi heitu vatni og lokað svo vélinni

 

Eftir hefun setjið þið bollurnar í ofninn of stillið á 200 gráður undir og yfir hita látið bollurnar standa í ofninum á meðan hitinn er að hækka. Bakið nú í ca. 22 mínútur (þ.m.t. tíminn þegar hitastigið er að hækka).

 

Ef þið setjið bollurnar í heitan ofnin bakast þær í 12-14 mínútur.